Kategoria: Orokorra

Iridoy “Irunek bere berdeguneak eta natur-guneak leheneratzeari eta zaintzeari lehentasuna ematea behar du. Irungo etorkizuna ez du Hiri Antolamenduko Plan Orokor batek bakarrik markatu behar, pertsonek asko dute esateko eta erabakitzeko”

Tapia, “Hiru hiriak lotuko dituen bidegorri berri honen lehen obrak aurten hasiko dira”

EAJ-PNVk hirugarren hitzaldi bat antolatu du IDEIAlekun, oraingoan, natur-guneak birnaturalizatzeari eta berreskuratzeari buruz. Bertan, Xabier Iridoy Irungo alkategaia, Eusko Jaurlaritzako Arantxa Tapia Ekonomiaren Garapen, Jasangarritasun eta Ingurumen sailburua eta Amaia Barredo Ingurumen Iraunkortasuneko sailburuordea izan dira.

Ildo horretan, Iridoyk gogora ekarri du zein den Irun eta Hondarribia eta Hendaia lotuko dituen bidegorriaren proiektuaren jatorria, “2013an, duela 10 urte, Irungo EAJ-PNVtik pentsatu genuen Irunek pasealeku bat behar zuela pertsonen joan-etorria eta Plaiaundiko inguruaren gozamena behar bezala sustatzeko. Paseo atsegina, ingurumena errespetatzen duena eta Bidasoa ibaiari merezi duen protagonismoa eskaintzen diona”. Horrela, EAJ-PNVko hautagaiak gure hiriko natur-guneen birnaturalizazioaren garrantzia azpimarratu du. “Aukera guztiak aztertu eta gure proposamena osatu ondoren, hau Eusko Jaurlaritzari helarazi genion, aztertu zezan eta, hala badagokio, garatu ahal izan zezaten, haiek baitira gai horretan eskumena dutenak. Era berean, babesa eskatu genien bai Irungo Udalari, bertako udal talde guztiei, baita Gipuzkoako Foru Aldundiari ere”.

Ordutik hona, eta urte hauetan zehar, Irungo EAJ-PNVtik pausoak ematen joan gara, modu nekaezinean bidegorri hau errealitate izan zedin, hala azpimarratu du Iridoyk. “Alkateari eskatu diogu Plaiaundiren birnaturalizazioa irmo bultzatzeko, eta parke natural honetan dauden kirol instalazioak behin betiko Txenpereneara eramateko. Udal gobernuak ahaztuta zuen ekimena eta orain urte batzuk, gure taldeak, EAJ-PNVk, proposatu eta udal teknikariek onetsitako kokapena. Izan ere, Tapiak bere hitzaldian adierazi duenez, hiri aurreratu eta moderno bat nahi badugu, ezinbestekoa da ingurumenaren defentsa oparotasun- eta ongizate-faktore gisa hartzea. Eta hor, Iridoyk izan zuen planteamendua, Txingudiko badiako hiru hiriak lotuko zituen bidegorri bat sortzekoa, oso egokia izan da. Bidegorri hori Plaiaundik behar duen aniztasun biologikoaren berreskuratze eta leheneratze horren parte izango da, eta, gainera, oinezkoentzako eta bizikletentzako konexio bat eskainiko dio Iruni. Modu honetan irundarrek paseatu edo, nahi izanez gero, Hendaiako edo Hondarribiko hondartzetara joateko aukera izango dute, bai oinez edo baita bizikletaz ere. Gainera, esan beharra dut, aurten jada guztiaren obrak hasiko direla eta 2025 urteko udararako irundarrek konexio berri honetaz gozatzeko aukera izango duzutela”.

Amaia Barredok, bere aldetik, ekimenaren egoeraren inguruan hitz egin du. “Laster albiste gehiago izango ditugu eta laster Irunek lehen ekintzen hasiera ikusi ahal izango du”. Albiste on horren ondorioz, eta amaitzeko, Iridoyk adierazi nahi izan du, “denbora honetan zehar egin dugun lanaren emaitzak asebetetzen gaitu. Ezinbestekoa iruditzen zaigu irundarrek Bidasoa ibaiaren ertzean inguratzen gaituen naturaz gozatzeko aukera izatea. Ingurumena gai garrantzitsua da, eta proiektu honekin mugikortasun iraunkorraren aldeko apustua egiten dugu, eta ez dugu soilik Irun Hendaia eta Hondarribiarekin lotuko, baizik eta gure hiriko auzoak elkarrekin lotzeko aukera emango digu bidegorri honek. Esaterako; El Pinar edo Anzaran Santiago, Dunboa edo Palmera Montero auzoekin”.

Beharrezkoa da azkar eta urrats sendoekin aurrera egitea Irunen osasun egoera eta laguntza hobetzeko

Martxoaren 31ko Osoko Bilkuran gainerako talde politikoen babesa lortzea espero du talde jeltzaleak

BIDASOA ESIrako 2023-2033 Plan Zuzentzaileak jasotzen duen ibilbide orria aurkeztu denez, eta gure hiriak Irunen bizi duen egoera ikusita, EAJ-PNVtik beharrezkoa ikusten dugu Udalak eta Eusko Jaurlaritzako Osasun Sailak beraien arteko lankidetza estutzea eta helburu beraren alde lan egitea; Irungo osasun egoera hobetzea eta irundarrei zerbitzu gehiago eta hobeak eskaintzea.

Helburu horrekin, eta irundarrek ahalik eta lasterren osasun laguntza hobea izan dezaten, datorren martxoak 31an leku izango duen Ogiko Bilkurara, mozio bat aurkeztu dugu. Bertan, Irungo Udalaren eta Osakidetzaren arteko hitzarmen bat adostea eskatzen diogu Osasun Sailari, zein epeak, konpromisoak eta finantzaketa zehazteko, anbulatorio zentral handi berri bat eraikitzeko, Oinaurren beste txikiago bat ahalbidetzeko, eta laguntza-zerbitzuak hobetzeko helburua duen

Orain ia urtebete, 2022 urtearen erdialdean, Osakidetzak jada alkateari hausnarketa-prozesu bat ireki zuela jakinarazi zion, gure hiriko antolamendu sanitarioaren eredua aztertzeko eta, hala badagokio, egokitzeko edo hobetzeko. Prozesua amaitu ondoren, sailburuak berak helarazi zion hausnarketa horren emaitza Udal Gobernuari, eta lursail bat eskatu zien ondorioztatutakoari aurre egiteko: Irunek anbulatorio handi bat behar duela hiriaren erdigunean. Baina, Irungo Udalak Osasun Sailari erantzun seriorik eman gabe jarraitzen du.

Gure taldearentzat, Irunek anbulatorio berri, handi, zerbitzu gehiagoko eta joan etorriak murrizteko kokapen zentrikoa duena ezartzeko kokalekua, argia da: Via Irun.

Anbulatorio zentral handi bat, egun herritarren beharrei erantzuten ez dien zentroko anbulatorioa ordezkatuko lukeena. Eta horrez gain, beste txikiago bat Oinaurren, Ventas inguruan. Behin baino gehiagotan Santano alkateari eskatu diogu hemen aipatzen duguna, profesionalei entzuteko eta zentroan 8.000 metro karratuko anbulatorio handi baten alde egiteko, eta ez konformatzeko zentroko zaharra 3.600 metrora zabaltzearekin, ia ezingo bailuke zerbitzu berririk hartu.

Alferrik galdu ezin dugun aukera baten aurrean gaude. Hori dela eta, Santano alkateari, beste behin eskatzen diogu bete dezala orain hilabeteak jakinarazi eta eskatu zitzaiona eta Bidasoako ESIaren Plan Zuzentzaileak jasotzen duena. Osasun-arloko profesionalek eta arlo horretako adituek osatutako Plana. Tamalez, alkateak, orain arte, Osakidetzaren eskaintzari uko egin dio eta beste alde batera begiratu du. Santano alkatea hartzen ari den erabakiak hiria geldiarazten ari dira. Irunen aldeko apustua egiteko garaia da, Eusko Jaurlaritzaren konpromisoa aprobetxatzekoa. Horregatik guztiagatik aurkezten dugu mozio hau hurrengo osoko bilkurara.

Bidasoarako Plan Zuzentzaileak anbulatorio handi bat proposatzen du zentroan, eta 2.000m2-ko beste osagarri bat, Oinaurren, EAJk eskatu duen bezala.

Urtebete pasa da Irungo EAJ-PNVtik, gure hiriko zerbitzuen eta osasun-arretaren beharrak eta hobekuntzak aztertzeko, profesional eta adituekin lanean hasi ginela. Bide horretan, gainera, irundar askoren iritzia entzun eta jaso genituen, eta Irungo azken hamarkadako datuak eta biztanleriaren bilakaeraren etorkizuna ere aztertu genituen.

Egin genuen lanaren ondorioa argia izan zen: Irunek gaur egun erdigunean dugun anbulatorioa baino handiagoa den bat behar du, zerbitzu gehiago dituena eta erdigunean kokatuta dagoena. Anbulatorio zentral handi bat, zentroko anbulatorioa ordezkatuko lukeena, gaur egun herritarren beharrei nekez erantzuten diena. Hala jakinarazi dute, gainera, osasun-arloko profesionalek. Hala ba, egindako lanaren emaitza ikusita, eta mediku profesionalei entzun ondoren, irundarren lehen mailako arretaren eta ongizatearen aldeko apustu sendoa egin genuen EAJtik, Eusko Jaurlaritzako Osasun Sailari helarazi geniona: Irungo EAJk hiriaren erdigunean anbulatorio handi bat, beste txikiago bat Oinaurren, eta, Dunboakoa mantentzearen aldeko apustua egiten du.

Era berean, gure hiriaren erdigunean lursailen erabilgarritasuna aztertu dugu, eta anbulatorio berri honentzako kokapenik onena trenbidearen eremu berria dela ondorioztatu dugu. Kokaleku ezin hobea da, bere zentraltasunagatik eta irisgarritasun onagatik, geltoki intermodal berria bertan eraikiko baita. Ildo beretik, zentroan anbulatorio handi berri hau zenbat denboran izan genezakeen aurreikusi nahian, hirigintza-adituekin azterlan bat egin genuen, eta, 4 urteren buruan harekin konta genezakeela ondorioztatu zen, betiere kudeaketa eraginkorra bada, faseetan lan egiten bada eta borondate politikoa badago.

EAJtik, argi geneukan hasieratik, Irungo erdigunean egin behar zela esku-hartze handiena osasun-azpiegituretan, bertan biltzen baita biztanle gehiena. Apustu hori, geroago, Osasun Sailak eta Osakidetzak bermatu dute.

Izan ere, atzo, Osakidetzak Bidasoa 2023-2033 ESIaren Plan Zuzentzailearen berri eman zuen Legebiltzarrean. Eta EAJtik hainbat hilabetez proposatu eta defendatu dugun eta gure hiriaren egoera neurri batean hobetuko duela uste dugun proposamena erabat, irmo eta zalantzarik gabe, bermatzen du. Dokumentu honek berretsi egiten du zentroan 10000m2-ko anbulatorio handi bat behar dela, baina, horrez gain, aukera berri bat proposatzen du, erdialdean m2 horiek ez badaude: anbulatorio handi bat eraikitzea zentroan, 8000m2-koa, eta beste bat txikiagoa, 2000m2-koa, Oinaurren.

Errealitate horren aurrean, Santano alkateari eskatzen diogu ez dezala inbertsio hori alferrik galdu eta bete dezala Bidasoako ESIaren Plan Zuzentzailean eskatutakoa, osasun-arloko profesionalek eta adituek egin duten Planak jasotzen duena. Santano alkatea Irungo etorkizuna hipotekatzen ari da, zentroko egungo anbulatorioa 3600m2-ra zabaltzea eskainiz, berri eta handi baten alde egin beharrean. Ez ditu irundarren beharrak entzun, eta ezta osasun langileenak ere. Zentroko anbulatorioa zaharkituta dago, Irunek berria behar du, Oinaurrekoaz eta Dunboakoaz gain, lehenbailehen. Ezin dugu hiria adabakitzen jarraitu, nahikoa da aitzakiez eta EAJren aurkako diskurtso elektoralistez. Irunen aldeko apustua egiteko garaia da, eta Eusko Jaurlaritzaren konpromisoa aprobetxatzekoa.

Talde jeltzaleak atseginez ikusi du Auzo Elkarteen Federazioaren komunikazioari, baita hauek Irun erdigunean zerbitzu gehiago eta hobeak eskaintzeko beharra ikustea ere

Erdigunean anbulatorio handi berri bat proposatzen du EAJk. Jose Antonio Santanok, berriz, egungo erdiguneko zentroa partxeatzea proposatzen du.

Hilabeteak daramatzagu Irungo egoera aztertzen, osasun arloko profesionalekin eta hirigintza arloko adituekin batera. Lan nekez honen ondorioa argia izan zen; Irunen osasun arreta hobea nahi badugu, irundarrei egunerokotasuna erraztu nahi badiegu, eta Iruni, orain eta etorkizunean, onena eskaini nahi badiogu, gure hiriak bere erdigunean anbulatorio handi berri bat behar du. Pertsonen behar guztiei behar bezala erantzungo dien anbulatorioa.

Horixe da Osakidetzaren konpromisoa; 10.000 m2-ko anbulatorio handi berri bat Irun erdialdean, modernoagoa, zerbitzu gehiagorekin eta irisgarritasun hobearekin. Eta konpromiso horren aurrean, José Antonio Santano alkateak, inbertsio hori aprobetxatu beharrean, Osasun Sailari egungo zentroko anbulatorioa pittin bat handitzea eskaintzen dio. Bide batez, esan beharra dago eraikina behar bezala handitzeko zailtasunak dituela, egitura-babesa duen eraikin gisa katalogatuta dagoelako.

Horregatik guztiagatik, denbora daramagu Santano alkateari eskatzen Eusko Jaurlaritzako Osasun Sailaren eskaintza probesteko. Profesionalei entzuteko eta zentroan 10000m2ko anbulatorio handi baten aldeko apustua egiteko unea da. Irunek ez du merezi 3600m2-ko bat zentroan, alkateak berak planteatzen duen bezala. Ezin dugu hiria adabakitzen jarraitu, nahikoa da aitzakiez eta EAJren aurkako diskurtso elektoralistez. Irunen aldeko apustua egiteko momentua da, Eusko Jaurlaritzaren konpromisoa aprobetxatzekoa.

Era berean, argi utzi nahi dugu, Federazioak bere komunikatuan deskribatzen duen bezala, eta aspalditik esaten gabiltzan moduan, erdigunean anbulatorio handi berri bat behar izateaz gain, Oinaurre, Belaskoenea eta Ventas auzoei zerbitzu emango dien beste anbulatorio txikiago bat ere behar dugula, Dunboakoa bezalakoa, lehenbailehen.

Via Irunek, Irungo trenbide guneko 364.000 m2ak osorik berroneratzeko lanak egin beharko lituzke. Izan ere, Via Irun hiriaren bi aldeak batzeko ideiatik sortu zen, daukagun arrakala ezabatzetik.

Horregatik, EAJ-PNVtik uste dugu, urteak azpimarratzen daramagun bezala, Via Irun 2030 dela hiria batzen duen proiektua, etorkizuneko Irunerako apustu handia. Bideak estaltzea eta bide lotura berriak sortzea helburu duen proiektua (oinezkoentzat, bidegorriak, garraio publikoarentzat eta garraiobide iraunkorrarentzat).

EAJ-PNVtik ez diogu uko egiten hiria hobetzeari, batzeari eta behar bezala konektatzeari. Tamalez, Santanok ez ditu irundarrek eskatzen dituztenak entzun. Beste behin, aukera galdu baten aurrean gaude.

EAJ-PNVtik Via Irun 2030en alde lanean jarraituko dugu, hiriaren bi aldeak batzeko, espazio publiko berriak sortzeko eta bide lotura jasangarri berriak sortzeko. Irundarrek behar dituzten konexioak, eta Santanok alde batera uzten dituenak dira hauek. Irungo pertsona guztien onuraren aldeko apustua egiten dugu, eta horren alde lanean jarraituko dugu.

EAJ-PNVtik gure harridura adierazten dugu Udalean dauden udal taldeek argitaratutako testuaren aurrean. Harrigarria eta azalezina da EAJ deuseztatzeko interesak hiriaren interesen eta irundarren ongizatearen aurretik jartzea.

Hilabeteak daramatzagu lanean eta aztertzen. Eta adituekin egindako bileren eta topaketen prozesu horren guztiaren ondoren, proposamen serio eta zorrotz bat aurkeztu dugu, irundarrekin ere landua, haien beharrak eta eskaera nagusiak entzun ondoren.

Proposatzen dugun anbulatorio berri eta handia osasun-arloko profesionalekin egindako proiektua da, egungo arazoak kontuan hartuta, eta, batez ere, irundar guztien osasun-beharrei erantzungo dien proiektu bat prestatuz.

Are gehiago, anbulatorio berriaren planteamendu hori ondo baloratu du Eusko Jaurlaritzako Osasun Sailak, eta Irungo EAJ-PNVtik akordio handi bat lortzeko konpromisoa hartzen dugu, eraikuntza lehenbailehen has dadin.

Era berean, anbulatorio berria aurkeztu genuenetik jasotako iradokizunak eta ideia berriak eskertzen ditugu. Horiek xehetasunez aztertzeko eta erantzuteko konpromisoa hartzen dugu.

Gure taldeak argi dauka Irunek bultzada berri bat behar duela. Osasun-zerbitzuen kalitatean eta kantitatean jauzi bat egin behar du. Irunek ekimen berriak eta ilusioa behar ditu, batez ere lana eta lan gehiago. Ekonomikoki etorkizun oparoa diseinatzen ari gara, zerbitzuak hobetuz eta herritarrekin kohesionatuz.

Beraz, Santano alkateari eskatzen diogu gainerakoei lan egiten uzteko eta irundarrok aspalditik eskatzen dugun anbulatorio berri baten garapena ez oztopatzeko

EAJ-PNVk eta Xabier Iridoyk, egungo bozeramaile eta Irungo Udalerako hautagaiak, datorren ostiralean, 19: 00etan, IDEIAleku inauguratuko dute. Herritarrekiko harremanean eta ideien trukaketan sakontzeko gunea.

Irungo erdigunean, Kolon pasealekua 27 (Luis Marianoren lorategietan), IDEIAleku izeneko eta hiriari buruz dugun ikuspegia plazaratzeko eta irundarren usteak bertatik bertara jasotzeko sortu dugun lokala dago. Elkarrizketaren eta parte-hartzearen garrantzian sinesten dugu, eta hori da lokal berri honen helburua. IDEIAleku elkarrizketarako, entzuteko eta jendearen eguneroko kezkei erantzun ahal izateko gunea izatea nahi dugu. Irun “hiri hobea” izan dadin ideiak eman nahi dituzten irundarren topagunea. Ez da hauteskunde-egoitza, ezta batzokia ere.

Kontua ez da proiekturik onena aurkeztea, baizik eta gure hiri-proiektua partekatzea eta aberastea. Hirian pentsatzeak, pertsonak kontuan hartu gabe, ez du izateko arrazoirik. Are gehiago, kontuan izanik aldaketa- eta ziurgabetasun-une baten aurrean gaudela. Ekarpenak egiteko eta entzuteko unea da. Irun aurrera bultzatzeko garaia da.

Izan ere, lurraldea, Gipuzkoa, aldaketa-testuinguru horretan aurrera doan bitartean, Irun gero eta urrunago dago bilakaera horretatik. Esaterako, langabezia-tasa Gipuzkoako batez bestekoa baino %33 handiagoa da (lurraldeko altuenetakoa). Irundarren bizi-kalitatea kaltetua ikusi da¸ besteak beste segurtasun ezaren sentsazioagatik, osasun zerbitzuen egoeragatik, edo dugun mugikortasun zailagatik. Gainera, egungo alkateak eta bere Udal Gobernuak ahaztuta edo geldituta dituzten proiektu asko ditugu. Atzera begiratzen jarrai genezake, baina guk nahiago dugu aurrera begiratu, gure hiriaren beharrak identifikatzeko eta hauei irtenbide bat eskaintzeko.

IDEIAlekun eztabaidak, bilerak, erakusketak, lan-gosariak, hitzaldiak edo elkarrizketa pertsonalak izango dira hiriko gizarte, kirol, kultura eta ekonomiako ordezkariekin. Eztabaida aberastu nahi da bertan. Zinegotziak, ordezkariak eta hautagai jeltzalea bera txandakatuko dira ideiak entzuteko eta iritziak eta proiektuak trukatzeko. Parte hartu, hitz egin, galdetu edo entzun nahi duten pertsona orok nahi duenean gerturatzeko aukera du datorren astelehenetik aurrera.

IDEIAleku edozein pertsonari zuzendutako proiektua bada ere, motibazio gehigarria izan da gure oinarriaren artean. Ez genuen horrelakorik aurreikusi, baina barne-aktibatzaile gisa funtzionatu du. Hala ba, proposamen eta bisita asko izatea espero dugu.

Irundar guztiei gonbidapena

Irun hobe bat posible dela uste duten eta nahi duten pertsona guztiak animatu eta gonbidatzen ditugu proiektu honekin bat egitera eta, datorren ostiralean, urtarrilak 13, 19:00etan egingo den inauguraziora gerturatzera. Elkarri entzun, elkarrekin hitz egin eta ideia desberdinez eztabaidatzeko aukera izango dugu, eta pintxo batzuk dastatzeko aukera ere izango ditugu.

Desde EAJ-PNV llevamos años apostando por un Irun verde. Un Irun dónde prime la naturaleza y esta recobre el protagonismo que debería tener; las marismas de Txingudi, el Bidasoa, el parque ecológico de Plaiaundi, el parque natural de Aiako Harria, el entorno de Hirugurutzeta, Meaka, el Valle de Olaberria…

El turismo verde es una actividad con gran potencial que puede contribuir a generar dinamismo en el entorno económico, y a favorecer la conservación del patrimonio histórico, cultural y medioambiental mediante su puesta en valor. Más aún estando en la situación de pandemia y distanciamiento que estamos, deberíamos analizar el potencial y posibilidades que tienen los entornos rurales de nuestra ciudad. Por ello, después de analizar e indagar en las necesidades de nuestra ciudad, hemos trabajado varias ideas y proyectos de reconstrucción, renaturalización, recuperación y conexión.

Entre otras cuestiones, creemos interesante poder reconstruir el caserío Siutz en el barrio de Meaka, y convertirlo en albergue para ofrecer a las personas que visiten nuestra ciudad la oportunidad de disfrutar de los entornos verdes y naturales de nuestra ciudad. Además, vemos necesario apostar por la promoción del Parque Natural de Aiako Harria y del Parque Ecológico de Plaiundi, favoreciendo en todo momento la conciliación entre el ocio y la conservación de la naturaleza. Y para ello, nos parece interesante imprescindible recuperar el proyecto del paseo peatonal y bidegorri que una las tres ciudades Hondarribia-Irun-Hendaia. Una apuesta que ya presentamos hace años, y que trata de conectar mediante un recorrido amable y sostenible las tres ciudades. Un bidegorri que además posibilitaría conectar también el Parque Ecológico de Plaiaundi con el barrio de Meaka, que a su vez conecta con el Parque Natural de Aiako Harria, y el entorno minero de Hirugurutzeta.

Irun además está rodeado por entornos turísticos, como; la costa de Gipuzkoa (desde Hondarribia hasta Mutriku) o la costa de Lapurdi (desde Hendaia hasta Baiona). A los mismos, habría que añadir las comarcas de Bortziriak y Baztan en Navarra. Cada vez más visitantes se acercan a Euskadi para conocerlo y vivir experiencias únicas e irrepetibles. Aunque somos conscientes de que en estos momentos de pandemia, todos estos movimientos han disminuido y mucho, y que así debía ser por seguridad sanitaria, Irun debe prever aprovechar la oportunidad que puede ofrecer este sector. Porque no olvidemos que somos una ciudad que conecta los tres corredores turísticos mencionados.

Irun tiene potencial, es un municipio con montaña, historia, río, bahía… Irun tiene posibilidades, pero necesita una firme apuesta pública, así como un planteamiento ambicioso, innovador y coordinado. Desafío que hasta ahora no ha interesado desarrollar, y así lo demuestran las escasas acciones que ha realizado el gobierno municipal entorno al Irun Verde. Actuaciones dispersas y poco ambiciosas. Para que estas iniciativas funcionen, el gobierno municipal deberá coordinarse con las demás administraciones, y deberá mantener una interlocución directa con los establecimientos hoteleros de la ciudad. Analizar de forma conjunta las posibilidades y los retos para el desarrollo y cobertura del turismo verde. Irun no debe quedar aislada, se deben buscar sinergias compartidas. Nuestro grupo apuesta por poner en valor los activos con los que cuenta Irun y analizar el cómo poder configurar una oferta turística diferenciada que permita aprovechar todas las oportunidades de los distintos mercados; abordar una reflexión estratégica con todos los agentes implicados identificando los pilares sobre los cuales construir, desarrollar e impulsar una oferta turística de calidad, competitiva, innovadora y profesional. Asimismo, vemos interesante apoyar el desarrollo de nuevas experiencias turísticas que contribuyan al posicionamiento definido de la ciudad en el mercado. Irun es verde. Aprovechemos todo lo que tenemos, sin necesidad de crear atractivos turísticos inefectivos, que no representan la singularidad de nuestra ciudad

Gaur goizean, gure taldeak Via Irunen alde egindako apustua berretsi du. Txingudi badiako oinezkoentzako konexioa bai, eta Irun bidea ere bai. Hori bai, duela bi urtetik hona iragarri dugun bezala, asmo handiagoko Via Irun-en aldeko apustua da gurea. Irungo Udalak, Gipuzkoako Foru Aldundiak, Eusko Jaurlaritzak eta Sustapen Ministerioak 2011n sinatutako erakunde arteko protokoloak jasotzen duena.

Etorkizuneko ikuspegi eredugarria eta kalitatezkoa duen Via Irun babesten dugu, guztira 362.000m2-ko azalera kontuan duen proiektua; Belascoeneatik Anzaraneraino doana, auzoen arteko mugikortasuna hobetzen duena, bide konexio berriak eratzen dituena, trenbideak estali eta espazio publiko handi bat sortzen dituena, eta trintxera desagertuaraziz, egungo geltokia eraldatu eta topoaren trazadura Adifeko trenbideen ondoan lekualdatzen dituena.

Zoritxarrez, Santano alkatearen apustuak ez du betetzen goian aipatutako erakunde arteko protokoloan adostutakoarekin, ezta Irungo herritarrei zin egindakoarekin ere ez. Irungo Bidearen proiektuak ez du aurreikusten trenbide-arrakala handia kentzea, trenbideak estaltzea, ezta auzoak lotzeko ardatzak ere. Santanok eraldaketa handi gisa aurkezten duen proiektua, geltoki berri batera mugatzen da, Aduana zaharraren eraikina zaharberritzera eta hainbat etxebizitza eta lokal bloke eraikitzera. Eta hau ez da nahikoa. Badirudi, Santanorentzat, Irunen etorkizuna izan beharko lukeen proiektua, etekin politikoa ateratzeko proiektua besterik ez dela.

Tren geltokia berritzea ondo dago, baina ez ginateke horrekin bakarrik konformatu beharko. Trenbideak estaltzea eta espazio hori bere osotasunean berroneratzea kontuan hartu behar du udal gobernuak. Via Irun-ek, Iruni etorkizun hobea emango dion proiektua izan behar du, gure hiriaren bi aldeak elkartzeko hirigintza iraultza, eta ez Santano eta Adifentzat ad hoc proiektu bat. Are gehiago, topoaren trenbideak bere trenbide-plataformara eramateari dagokionez, oraindik ez dakigu Adifen jarrera zein den. Gure hiria erabat birsortzeko ezinbesteko oniritzia.

Dena den, “Next Generation” Europako funtsen aurrean gaude. Irunek eskura ditzakeen funtsak, oraindik estatuak zehaztu ez dituen deialdien bitartez. Baliabideak jasotzeko eta proiektu hau aktibatzeko aukera paregabea da hau. Baina, era berean, Irungo Udalak zuzendu eta hobetu egin behar du Santanok Via Irunekiko duen planteamendu eskasa, eta Espainiako estatuak ere Irunekin duen zor historikoari erantzuna eman behar dio.

EAJ-PNVtik gobernuak Via Irunek izan beharko lukeena birplanteatzea espero dugu. Geltoki berri batek gure hiriaren etorkizuna ez baldintzatzea. Egin dezagun gure hiriaren bi aldeak batzeko eta espazio publiko berri, zabal eta berdeak sortzeko apustua. Irungo hiri-metamorfosia izan behar da Via Irun, hiriaren etorkizuna. Santanori eskatzen diogu anbizio handiagoa izan dezala eta lanari ekin diezaiola. Gure laguntza eta babesa eskaintzen dizugu, hemen eta baita Madrilen ere.

Azken urtean zehar, eta are gehiago azken hilabeteotan, EAJ-PNVtik, Erdialdeko Auzo Elkarteari Udaletxeak zin egin zionarekin eta Emakumeen Etxearen behin-behineko kokapenarekin sortutako arazoaren harira, gure hiriko hainbat gizarte eragileren artean sortu den kezkak arduratzen gaitu.

2019ko irailaren 19an, Zabaltza-Erdialdeko Auzo Elkarteak eskaera formal bat egin zion Udalari 2020ko aurrekontuetan partida ekonomiko bat sartzeko; Ikust Alaia eraikin berrian dagoen udal lokala egokitzeko eta, horrela, elkarte berari lokal sozial gisa lagatzeko eskaera. Kontuan izanik, batez ere, elkarte honek, egun oraindik, ez duela auzokideentzako edota hiritarrentzako jarduerarik garatzeko espazio egokirik. Eskaera hori alderdi politiko guztiok sinatu eta mozio gisa aurkeztu genuen 2020ko urtarrilaren 15eko osoko bilkuran, hala aho batez onartuz.

4 hilabete geroago, ordea, 2020ko urtarrilaren 28an, Udal Gobernuak eta Elkarrekin-Podemos/IU-EB udal taldeak, osoko bilkuraren erabakiaren eta beraiek bertan mozioari emandako aldeko botoari kontra eginez, 2020ko Aurrekontuan, Ikust Alaiko lokalaren obra egiteko 270.000 euroko partida bat sartzea erabaki zuten (70.000 €2020an eta 200.000 €2021ean), hau horrela Emakumeen Etxearen behin behineko kokalekua izan zedin. Erabaki horrek uko egiten zion, aurretiaz jada Zabaltza-Erdialdeko Auzo Elkarteari onartutako eskaerari, hiritarren artean gatazka sortuz, baita hainbat eragileren artean kezka sortuz ere.

Izan ere, azaroaren 18an, ospatu zen Berdintasunerako azken Lan Batzordean, hiriko emakumeen berdintasunaern aldeko elkarte bateko ordezkari batek adierazi zuen kezkatuta zegoela Emakumeen Etxearen behin-behineko kokapenagatik eta honek sortutako asalduragatik. Halaber, proiektu berri hau ondo hasteko eta hasieratik inolako gatazka edo gaizki-ulerturik ez pizteko nahia azpimarratu zuen.

Eskaera hori kontuan hartuta, eta azaroaren 25ean udal-gobernuak Istillaga plazako 8 zenbakiko udal-lokala esleitu zitzaionaren ukoa onartu zuela ikusita, udal-gobernuari proposatzen diogu Emakumeen Etxea behin behinean Ikust Alaian kokatu beharrean, hau Istillagan kokatzeko aukera azter dezala. 280 m2-tako Gizarte ekipamenduko lokal bat, Ikust Alaiarenak baino 100m2 gehiagoko azalera duena da gainera.
Irungo EAJ-PNVtik, udal-gobernuak (PSE eta Elkarrekin-Podemos/IU-EB) izan zuen inkoherentzia zuzentzeko aukera dugula uste dugu. Ez dugu ahaztu behar, Udalak pertsona guztien onerako begiratu behar duela, alternatibak bilatuz. Gure proposamenak, elkarte guztientzako irtenbide egokia ahalbidetuko luke. Hala ere, proposamen hau hurrengo Berdintasun Batzordean jorratzeko eskaera ere luzatu dugu, honen inguruan Irungo emakumeen elkarte guztiek asko eduki beharko lukete eta esateko. Izan ere, proiektu honek, beste askok bezala, argia, ilusionagarria eta gardena izan beharko luke. Gatazkarik gabekoa, guztiona